Comments Add Comment

यी हुन् सबैभन्दा खराब पासवर्ड

आफ्ना डिजिटल अकाउन्टको पासवर्ड व्यवस्थापन अहिले सबैभन्दा जटिल विषय हो । व्यक्तिका विभिन्न खाले अनलाइन अकाउन्ट हुन्छन् र यस्ता अकाउन्टको पासवर्ड चयनमा धेरैले सजिलो बाटो रोज्दछन् ।

आफ्नो पासवर्ड आफैले भुल्ने डरले धेरै मानिसले सजिलो खालको पासवर्ड राख्दछन् । जसका कारण जो कोहीले पनि सजिलै पासवर्ड पत्ता लगाउन सक्दछन् । अझ अरुका अकाउन्ट ह्याक गर्ने दाउ रचिरहेका ह्याकरहरुका लागि यस्ता सजिला पासवर्डले झनै सजिलो पारिदिन्छ ।

बेलायतको नेसनल साइबर सेक्योरिटी सेन्टरले हालै एउटा सर्भे गरेको छ । जसअनुसार विश्वको सबैभन्दा कमजोर पासवर्ड १२३४५६ रहेको छ ।

करोडौँ मानिसहरुले आफ्नो अकाउन्टमा यहीँ १२३४५६ लाई पासवर्डको रुपमा राखेका हुन्छन् ।

रिपोर्टअनुसार २ करोड ३२ लाख प्रयोगकर्ताले १२३४५६ लाई पासवर्डको रुपमा प्रयोग गरेका छन् ।

त्यस्तै १२३४५६७८९ लाई पासवर्डको रुपमा प्रयोग गर्ने मानिसको संख्या ७७ लाख रहेको छ । त्यस्तै querty, password तथा १११११ लाई पासवर्ड बनाउनेको संख्या पनि निकै धेरै छ ।

सर्भेका अनुसार आफुलाई सबैभन्दा मन पर्ने सुपरस्टारको नामलाई पासवर्डको रुपमा प्रयोग गर्नेको संख्या पनि कम छैन । यस अनुसार पासवर्डमा सबैभन्दा धेरै प्रयोग भएको पात्र superman हो । त्यस्तै naruto, trigger, pokemon  तथा batmanलाई पनि उल्लेख्य मात्रामा पासवर्डको रुपमा प्रयोग गरिएको छ ।

त्यस्तै आफ्नो फेवरेट खेलकुद टीमको नामलाई पनि पासवर्ड बनाउने इन्टरनेट प्रयोगकर्ता लाखौँ छन् । लिभरपुल, चेल्सी तथा आर्सनल जस्ता क्लबहरु पासवर्डको रुपमा प्रयोग हुने मामिलामा अगाडि देखिएका छन्।

शोधकर्ताका अनुसार २ करोड ३० लाख पटक भएका फरक फरक ह्याकिङमा १२३४५६ पासवर्ड भएका अकाउन्टहरु निसानामा परेको पाइएको छ ।

यो रिपोर्टमा सबैभन्दा धेरै प्रयोग भएका १ लाख पासवर्डको सूचि छ जुन ट्राई हन्टले तयार गरेको have I been pwned डाटाबेसबाट लिइएको हो । स्मरण रहोस् ट्राइ हन्टले हालै विश्वकै सबैभन्दा वृहत इमेल आइडी ह्याकिंग काण्डको खुलासा गरेको थियो ।

बेलायतको नेसनल साइबर सेक्योरिटी सेन्टरको रिपोर्ट अनुसार विश्वमा सबैभन्दा कमजोर तथा खतरनाक पासवर्ड यी हुन् :

– 123456
– 123456789
– Qwerty
– Password
– 111111
– 12345678
– abc123
– 1234567
– password1
– 12345
– 1234567890
– 123123
– 000000
– Iloveyou
– 1234
– 1q2w3e4r5t
– Qwertyuiop
– 123
– Monkey
– Dragon

एजेन्सीको सहयोगमा

 

यो खबर पढेर तपाईलाई कस्तो महसुस भयो ?

ट्रेन्डिङ

Advertisment