निर्देशक तथा कोरियोग्राफर रेनशा वान्तवा राइले आज प्रेमी प्रज्ज्वल शमशेर जबरासँग बिहे गरिन् । रेनशाको बिहेमा पुग्ने थोरै चलचित्रकर्मीमा पर्छिन्, नायिका सुष्मा कार्की । नायिका सुष्मा कार्की प्रज्ज्वलका बुबा प्रभु शमशेर जबराकी भान्जी हुन् । यसैले पनि उनी बिहे समारोहमा विशेष बनिन् ।
बिहे समारोहमा पुगेकी सुष्मा गहना र सारीमा धपक्कै बलेकी थिइन् । उनको बिहेको बारेमा प्रश्न गर्दा उनले पालो आउँछ मात्र भनिन् । सुष्मा अहिले चलचित्रको काममा खासै व्यस्तत छैनन् । तर, उनले आफूलाई विदेशका कार्यक्रममा बढी व्यस्त भएको बताउँदै आएकी छिन् ।
तस्वीरः शंकर गिरी
