१४ जेठ, जनकपुरधाम । रौतहटको ईशनाथ नगरपालिकाबाट प्रहरीले एक जनालाई कटुवा पेस्तोलसहित पक्राउ गरेको छ ।
प्रदेश २ प्रहरी कार्यालय जनकपुरधामका अनुसार उक्त नगरपालिका ४ स्थित ठूलो लत्मरी मन्दिर नजिकबाट परोहा नगरपालिका ९ बसनपट्टीका ४५ बर्षीय छोटेलाल साहलाई कटुवा पेस्तोलसहित मंगलबार पक्राउ गरिएको छ ।
चेकजाँचका क्रममा पक्राउ परेका साहको साथबाट एक थान कटुवा पेस्तोलसहित एक थान ल्यापटप, एक थान नोकिया मोवाईल, एक थान पेन ड्राइब, एनसेलको सिमकार्ड १ थान, नेपाली रुपैयाँ ५ हजार २ सय ५०, भारतीय रुपैयाँ ४ हजार १ सय र चक्कु १ थान बरामद भएको प्रदेश २ प्रहरी कार्यालयले जनाएको छ ।
सीमा प्रहरी चौकी बन्जरा रौतहटबाट प्रहरी नायव निरीक्षक अक्षयकुमार साहको नेतृत्वमा खटिएको टोलीले साहलाई नियन्त्रणमा लिएको र थप अनुसन्धान भइरहेको प्रहरीले जनाएको छ ।