१७ जेठ, काठमाडौं । प्रमुख विपक्षी नेपाली कांग्रेसले सांसदलाई ६ करोड बाँड्ने योजनाको विरोध गरेको छ ।
सुशील कोइराला प्रधानमन्त्री भएको बेला पूर्वाधार विकास कोष सुरु भएको थियो । स्थानीय जनप्रतिनिधि नभएकाले यो कार्यक्रम सुरु गरिएको भन्दै कांग्रेसले अहिले आवश्यक नभएको बताए ।
शुक्रबार आयोजित पत्रकार सम्मेलनमा ‘छाया अर्थमन्त्री’ डा. मिनेन्द्र रिजालले भने, ‘यो बेलामा सांसदले तजविजी अधिकार प्रयोग गरेर योजना छान्न जरुरी छैन ।’
कांग्रेसले विरोध मात्र गर्छ कि ६ करोड लिन्न पनि भन्छ भन्ने सञ्चारकर्मीहरुको प्रश्नमा उनले भने, ‘तपाईहरुले जिज्ञासा राख्नु, सुझाव दिनु उचित हो । हेर्दै जानुस् अगाडि कसरी जान्छ ।’
