Comments Add Comment

आयुष भन्छन्–‘नेपालमा नाम राख्न सक्यौं, खुशी छु’

भारतको लोकप्रिय टेलिभिजन जी टीभीबाट प्रशारण हुँदै आएको ‘सारेगम लिटिल चाम्स’मा चौथो स्थान हासिल गर्न सफल आयुष केसी नेपाल आएका छन् । उनलाई त्रिभुवन विमानस्थलमा उनका आफन्तले भव्य स्वागत गरे । उनलाई बाजा बजाएरै स्वागत गरिएको थियो ।

अन्तिम ६ मा पुगेपछि उनको चर्चा अझै चुलिएको थियो । नेपालकै प्रितम आचार्य यो प्रतिस्पर्धामा सेकेन्ड रनरअप बनेका छन् । विमानस्थलमा आफन्त र फ्यानको भीड देख्दा खुशी भएका आयुषले भने–‘मेरो मिहिनेत र सबैको साथले यो सफलता मैैले पाएको हुँ । म र मेरो साथी प्रितमले नेपालको नाम राख्न सक्यौ, म खुशी छु ।’

उनले, आगामी दिनमा पनि आफूले कोशिश गर्ने र कोशिशमा सबै साथ पाउने आशा व्यक्त गरे । आयुषले भने–‘आउँदो दिनमा पनि आयुष केसी भनेर चिन्नेहरुले माया गरिदिनुहोला । म मेरा कमीकमजोरी सुधार गर्दै अगाडि बढ्छु ।’

यो खबर पढेर तपाईलाई कस्तो महसुस भयो ?

ट्रेन्डिङ

Advertisment