२१ असार, काठमाडौं । सत्तारुढ नेकपाको विद्यार्थी संगठन अनेरास्ववियूले भारतबाट आउन हुने फलफूल तथा तरकारीमा विषादी परक्षिण गर्ने निर्णयबाट पछाडि हटेकोमा सरकारको आलोचना गरेको छ ।
कार्यबाहक अध्यक्ष रञ्जित तामाङले शनिबार विज्ञप्ति जारी गर्दै सरकारको निर्णय संविधान विपरित भएको बताएका छन् । विषादी परीक्षण गर्ने निर्णयको प्रशंसा गर्दै उनले भनेका छन्, ‘सरकार र सरकारका निकायहरु प्रतयक्ष वा परोक्ष रुपमा कतै अनुचित विदेशी दबावमा परेर पछि हटेको त होइन भन्ने गम्भीर आशंका पैदा भएको छ ।’
अनेरास्ववियुले विषादी परीक्षण गर्ने निर्णयमा अडिग रहन सरकारसँग माग समेत गरेका छन् ।
