Comments Add Comment

चितवनको सरकारी स्कुलमा पहिलो पटक कानुन विषय पढाइ

२९ असार, चितवन । चितवनको सरकारी विद्यालय भानु माविले जिल्लामै पहिलोपटक कक्षा ११ र १२ मा कानुन विषय पढाउने भएको छ । भरतपुर महानगरपालिका २१ मा रहेको यस विद्यालयले चालु शैक्षिक सत्रमा कक्षा ११ मा कानुन विषय पढाउने भएको हो ।

विद्यालयका अध्यक्ष दिलिप न्यौपानेका अनुसार विद्यालयले कक्षा ११ मा कानुन विषय पढाउने अनुमति महानगरपालिकाबाट लिएको छ ।

राष्ट्रिय पाठ्यक्रम विकास केन्द्रले माध्यमिक तह (कक्षा ११ र १२ मा) कानुन विषय समावेश गरेपछि चितवनमा पहिलो पटक भानु मावि पहारिलोटारले यसको सम्बन्धन लिएको हो ।

यो पनि पढ्नुहोस युवा नेतृत्वमा बुढो विद्यालयको कायापलट

विद्यालयले कक्षा ११ मा कानुनको लागि भर्ना सुरु गरेको विद्यालय व्यवस्थापन समितिका अध्यक्ष न्यौपानेले बताए । उनले भने, ‘पहिलो वर्ष हामीले एक सय विद्यार्थीहरुलाई भर्ना लिने लक्ष्य लिएका छौँ, साउन ५ गतेबाट कानुनको कक्षा नै सञ्चालन गर्ने योजना छ ।’

चितवन अदालतमा बहस गर्ने वकिलहरुले नै कानुन विषय पढाउने विद्यालयले जनाएको छ ।

२०१८ सालमा स्थापना भएको यस विद्यालयले २०४१ मा निमावि र २०६३ मा माविको कक्षा चलाएको थियो । विद्यालयले गत वर्ष सिटिइभिटीको सम्वन्धनमा ४० जना विद्यार्थीलाई जुनियर कम्प्युटर टेक्निसियन पढाउँदै आएको छ । विद्यालयले कक्षा ११ मा शिक्षा विषय पनि पढाउँदै आएको छ ।

यो पनि पढ्नुहोस चितवन माविः आम्दानी दुई करोड, गुणस्तरमा गरीब !

 

यो खबर पढेर तपाईलाई कस्तो महसुस भयो ?

ट्रेन्डिङ

Advertisment