९ साउन, वीरगञ्ज । वीरगञ्ज महानगरपालिकामा एक बालकको मृत्यु भएको छ । वीरगञ्ज महानगरपालिका २५ खल्वा टोला बस्ने १२ वर्षका को राजन हजराको मृत्यु भएको हो ।
पोखरीको डिलबाट खुट्टा चिप्लिएर हजरा पोखरीमा खसेका थिए । पोखरीमा बालक हराएको सूचना पाएपछि प्रहरी चौकी सिर्सिया पर्साबाट खटिएको टोलीले बेहोस अवस्थामा शब फेला पारेको थियो ।
बेहोस अवस्थामा उपचारको लागि भारतको डंकन अस्पतालमा पुर्याउँदा अपरान्ह अस्पतालले मृत घोषित गरेको जिल्ला प्रहरी कार्यालय पर्साका प्रवक्ता डिएसपी अनन्तराम शर्माले जानकारी दिए । शव पोष्टमार्टमका लागि नारायणी अस्पतालमा राखिएको प्रहरीले जनाएको छ ।
