२३ साउन, विराटनगर । प्रदेश १ को संसदले जाँचबुझ तथा अनुसन्धान आयोग गठन सम्बन्धमा व्यवस्था गर्न बनेको विधेयक २०७६ पारित गरेको छ ।
आन्तरिक मामिला तथा कानूनमन्त्री हिक्मत कार्कीले पेश गरेको उक्त विधेयक प्रदेश सभाको बिहीबारको बैठकले सर्बसम्मतरुपमा विधेयक पारित गरेको हो ।
प्रदेश सभा बैठकले प्रदेश स्वायत्त संस्था गठन सम्बन्धकमा बनेको विधेयक २०७६ लाई भने दफाबार छलफलमा लागि न्याय प्रशासन तथा विधायन समितिमा पठाइएको छ ।
बिहीबारकै बैठकले प्रदेश लोकसेवा आयोग सम्बन्धमा व्यवस्था गर्न बनेको विधेयक २०७६ माथिको संशोधनका लागि ७२ घण्टाको समयको समय दिएको छ । यी दुबै विधेयक मन्त्री कार्कीले प्रदेश सभामा प्रस्तुत गरेका थिए ।
