३० साउन, काठमाडौं । अख्तियार दुरुपयोग अनुसन्धान आयोगले बालुवा बोक्ने टिपरसँग घुस लिने ट्राफिक प्रहरीविरुद्ध भ्रष्टाचार मुद्दा दायर गरेको छ ।
काभ्रेको हिगुवापाटी ट्राफिक पोष्टमा कार्यरत एक प्रहरी जवान तेजप्रसाद भट्टराईविरुद्ध विशेष अदालतमा भ्रष्टाचार मुद्दा दायर गरेको हो ।
अख्तियारका अनुसार मेलम्चीदेखि काठमाडौंसम्म नदीजन्य पदार्थ ढुवानी गर्ने टिपरसँग भट्टराईले मासिक २ हजार रुपैयाँ घुस लिँदै आएका थिए ।
केही दिनअघि उनलाई अख्तियारको केन्द्रीय कार्यालय टंगालबाट गएको टोलीले रंगेहात पक्राउ गरेको थियो ।
