२०८३ असोज ९ गते १६:२५ 
News Summary
Generated by OK AI. Editorially reviewed.- नेपालसँग ५ विकेटले हारे पनि अफगानिस्तान २०औं एसियन गेम्सको पुरुष क्रिकेट क्वार्टरफाइनलमा प्रवेश गरेको छ।
- अफगानिस्तान २ खेलबाट २ अंकसहित समूह ‘ए’ को शीर्षमा छ, भने नेपाल १ खेलबाट २ अंकसहित रनरेटमा पछि दोस्रो स्थानमा छ।
- समूहको अन्तिम खेल शनिबार नेपाल र जापानबीच हुनेछ, र नेपालले जितेमा समूह विजेताका रूपमा क्वार्टरफाइनल पुग्नेछ।
९ असोज, काठमाडौं । अफगानिस्तान २०औं एसियन गेम्सअन्तर्गत पुरुष क्रिकेटको क्वार्टरफाइनलमा प्रवेश गरेको छ ।
जापानको आइचीस्थित निशिनमा रहेको कोरोगी स्पोट्र्स पार्कमा भएको खेलमा नेपालसँग ५ विकेटले पराजित भएपनि अफगानिस्तानले क्वार्टरफाइनलमा स्थान पक्का गरेको हो ।
अफगानिस्तान २ खेलबाट २ अंक जोड्दै समूह ‘ए’ को शीर्ष स्थानमा छ । एक खेलबाट २ अंक जोडेको नेपाल रनरेटमा पछि पर्दै दोस्रो स्थानमा छ ।
एक खेल खेलेको आयोजक जापान अंकविहीन बन्दै तेस्रो स्थानमा छ । शीर्ष दुई टोली क्वार्टरफाइनल पुग्ने प्रावधान छ । अब समूहको अन्तिम खेलमा शनिबार नेपाल र जापान प्रतिस्पर्धा गर्नेछन् ।
अफगानिस्तानको नेट रन रेट ०.८४६, नेपालको रनरेट ०.८४२ र जापानको नेट रन रेट -२.४०० छ । रनरेटमा अघि हुँदा नेपाल र जापानबीचको अन्तिम खेलमा जस्तो नतिजा आएपनि अफगानिस्तान क्वार्टरफाइनल पुग्ने समिकरण बनेको छ ।
शनिबारको खेलमा जित निकालेमा नेपाल पनि समूह विजेताको रुपमा क्वार्टरफाइनलमा जानेछ । पराजित भएको अवस्थामा पनि नेपाल क्वार्टरफाइनल पुग्ने सम्भावना बलियो नै छ ।
जापानले भने नेट रनरेटमा नेपाललाई उछिन्ने गरी जित निकाल्नुपर्ने छ । यसको अर्थ नेपालले निकै फराकिलो हार बेहोर्नुपर्ने हुन्छ ।
क्वार्टरफाइनलमा समूह विजेताले श्रीलंका र समूह उपविजेताले भारतसँग खेल्ने समिकरण छ ।
प्रतिक्रिया 4