शिखर शैलीमा बन्ने भयो बालगोपालेश्वर मन्दिर, कंक्रिटको टाइबिट हटाइँदै

१ भदौं, काठमाडौं । रानीपोखरीको बालगोपालेश्वर मन्दिर शिखर शैलीमा बनाइने भएको छ ।

यसका लागि कंक्रिटको टाइबिट हटाउन थालिएको छ । टाइबिम फुटाएर फलामे डरहरु निकालेपछि चुनासर्की प्रयोग गरेर मन्दिर परिवरिको प्यासेज बनाइनेछ ।

रानीपोखरकिो उत्तरी ढोकातिर सुर्की निर्माण भइरहेको छ भने मन्दिर नजिकै चुना भिजाइएको छ ।

बालगोपालेश्वर मन्दिर निर्माणको ठेक्का सीए तुलसी कन्ट्रक्सन जेभीले पाएको छ । कम्पनीका साइट इञ्जिनियर सन श्रेष्ठका अनुसार क्षमापूजा गरेपछि मन्दिर पुनर्निर्माण सुरु हुनेछ ।

रानीपोखरी भने उपभोक्ता समितिले बनाइरहेको छ । पोखरीको पश्चिम पट्टीको पर्खाल लगाइसकिएको छ भने दक्षिण र उत्तरतर्फ पर्खाल लगाउने काम भइरहेको छ ।