८ भदौ, पोखरा । साइबर क्राइमकोमुद्धा लागेका पोखराका पत्रकार अर्जुन गिरीले सफाइ पाएका छन् । जग्गा कारोबारमा ठगीबारे समाचार लेखेका ताण्डव न्युज डटकमका सम्पादक गिरीलाई व्यवसायी विपेन्द्रराज बतासले साइबर क्राइमको मुद्धा हालेका थिए ।
न्यायाधीश विनोदकुमार पोखरेलको इजलासले आइतबार गिरीलाई सफाइ दिएको हो । ठगी गरेको आरोप लगाउँदै जिल्ला प्रहरी कार्यालयमा २ जनाले जाहेरी दिएपछि गिरीले त्यसैका आधारमा समाचार लेखेका थिए । त्यसकै आधारमा २०७६ वैशाख २ गते पक्राउ परेका गिरी साधारण तारेखमा छुटेका थिए ।
ठगीको आरोपलाई समाचार बनाउँदा गिरी पक्राउ परेपछि पत्रकार महासंघको आह्वानमा देशभर पत्रकार आन्दोलनमा उत्रिएका थिए । गिरीले ताण्डव न्युज साप्ताहिक र ताण्डव न्युज डट कका सम्पादक हुन् ।
