२०७६ भदौ २३ गते ७:१० 
२३ भदौ, काठमाडौं । युरो कप छनोट फुटबलअन्तर्गत समूह ‘एफ’ मा भएको खेलमा स्पेनले सहज जित निकालेको छ ।
आइतबार राति भएको खेलमा स्पेनले फारो आइसल्यान्ड्सलाई ४–० गोलअन्तरले पराजित गरेको हो । स्पेनको जितमा रोड्रिगो र पाको अल्कासरले समान २–२ गोल गरे । पहिलो हाफमा एक गोलले अघि रहेको स्पेनले दोस्रो हाफमा थप तीन गोल गर्दै फराकिलो जित निकालेको हो ।
खेलको १३औं मिनेटमा नै स्पेनका रोड्रिगोले गोल गर्दै अग्रता दिलाए । खेलको ५० औं मिनेटमा उनले अर्को गोल थप्दै स्पेनलाई २–० गोलको अग्रता दिलाए । खेलको अन्तिम समयमा पाको अल्कासरले दुई गोल गर्न सफल भयो । ९० औं मिनेटमा गोल गर्दै ३–० गोलको अग्रता दिलाएका उनले अतिरिक्त समयमा अर्को गोल गर्दै ४–० गोलको जित दिलाएका हुन् ।
समूह ‘एफ’ मा रहेको स्पेनले ६ खेलमा शतप्रतिशत जित निकाल्दै १८ अंक बनाएको छ ।
त्यस्तै, यो समूहमा भएको अर्को खेलमा भने स्वीडेन र नर्वेले १–१ गोलको बराबरी खेलेका छन् ।
प्रतिक्रिया 4