२५ भदौ, काठमाडौं । कास्कीमा प्रहरीले ३ नाल भरूवा बन्दुकसहित ४ जनालाई पक्राउ गरेको छ ।
वडा प्रहरी कार्यालय बगरबाट खटिएको प्रहरी टोलीले बुधबार माछापुच्छ्रे गाउँपालिका-२ खम्राङका ४८ वर्षीय बमबहाददुर तामाङ लगायत ४ जनालाई पक्राउ गरेको हो ।
उनीहरुबोट घरमा लुकाइ राखेको ३ नाल भरुवा बन्दुक, केही मात्रामा बारुद र छर्रा, १३ थान लाइभ राउण्ड, सर्टगनको ३ थान लाइभ राउण्ड, प्रयोग गरिएको २७ थान सर्टगनको खोका, एक थान भरुवा बन्दुकको बट, करिब ५ केजी सतुवा र २ थान भरुवा बन्दुकको नाल बरामद गरेको छ ।
घटनाको थप अनुसन्धान भइरहेको प्रहरीले जनाएको छ ।