बलिउडमा यतिबेला स्टारको महत्व पर्दा बाहिर मात्र छ । पर्दा भित्र स्टार कथा छ । कथा उत्कृष्ट भएको चलचित्रले व्यापारिक रुपमा ब्लकबस्टरको व्यापार गरिरहेका छन् । ओपनिङ सामान्य भएपनि चलचित्र लामो रेशको घोडा बनेका छन् ।
दुई साता अगाडि रिलिजमा आएको चलचित्र ‘छिछोरे’ अहिले बिषयवस्तु शक्तिशाली भएको आनन्द उठाइरहेको छ । चलचित्रको व्यापार पहिलो दिनमा ७ करोड थियो । तर, दर्शकको बलियो वर्ड अफ माउथका कारण चलचित्रले दोश्रो साताको मंगलबारसम्म आइपुग्दा नै सय करोड कमाएको छ ।
दोश्रो साताको शुक्रबार ५.३४ करोड, शनिबार ९.४२ करोड, आइतबार १०.४७ करोड, सोमबार ४.०२ करोड र मंगलबार ४.११ करोडको व्यापार गर्दै यो चलचित्रले सय करोडको आँकडा छोएको छ । दोश्रो साताको मंगलबारसम्म आइपुग्दा चलचित्रले १०२ करोड कमाएको छ ।
चलचित्रमा सुशान्त सिंह राजपतु र श्रद्धा कपुरको मुख्य भूमिका छ । ‘साहो र छिछोरे’ले सय करोड क्लबलाई पार गरेसँगै नायिका श्रद्धा कपुरको करिअरमा समेत नयाँ गती आएको छ ।
