२ असोज, काठमाडौं । सरकारले घोषण गरेको नेपाल भ्रमण वर्ष २०२० लाई कोरियामा बस्ने नेपालीहरुले सहयोग गर्ने भएका छन् ।
सरकारको लक्ष्यलाई पूरा गर्न भन्दै दक्षिण कोरियाको जेजुमा बसोबास गर्ने नेपालीहरुले भ्रमण वर्षको प्रचारप्रसार गर्ने भएका हुन् ।
बुधबार बसेको गैरआवासीय नेपाली संघ कोरियाको जेजु शाखाले नेपालको पहिचान झल्काउने तस्वीर अंकित टिसर्ट लगाउने निर्णय गरेको अध्यक्ष कोमल प्याकुरेलले जानकारी दिए ।
अध्यक्ष प्याकुरेलका अनुसार आफू कार्यरत क्षेत्रमा सम्भव भएसम्म नेपालको महत्व र यात्रा आकर्षकका विषयहरुमा प्रचारप्रसार गराउने निर्णय समेत गरिएको छ ।
