१३ असोज, जनकपुरधाम । सशस्त्र प्रहरीले महोत्तरीको मटिहानी नगरपालिकाबाट चाँदीसहित दुई जना भारतीय नागरिकलाई पक्राउ गरेको छ ।
पक्राउ पर्नेमा भारतको सितामढीका रोहित साह र सुनिल ठाकुर रहेका छन् । उनीहरुको साथबाट डेढ किलो चाँदी बरामद भएको सशस्त्र प्रहरीले जनाएको छ ।
बीआर ३० एम ७९९० नम्बरको मोटरसाइकलमा नेपालतर्फ आउने क्रममा चेकजाँच गर्दा सशस्त्र प्रहरीको ९ नम्वर गणको टोलीले उनीहरुलाई चाँदीसहित पक्राउ गरेको सशस्त्र प्रहरी उपरीक्षक निरकृष्ण श्रेष्ठले बताए ।
सशस्त्रको चेकजाँच टोलीलाई देखेपछि उनीहरु मोटरसाइकल छाडेर भाग्ने क्रममा मटिहानी नगरपालिका ९ जलसागर भन्ने ठाउँबाट पक्राउ गरेको श्रेष्ठले बताए ।
