टुबोर्ग र च्यानल आरबिट्ररीले टुबोर्ग ओपन सेसन्स्को दोस्रो संस्करण सुरु गर्दैछ । यो युट्युब सिरिज हो जसमा विभिन्न प्रसिद्घ कलाकारहरुको स्टुडियोमा प्रत्यक्ष रेकर्ड गरिएको प्रस्तुति पेश गरिन्छ ।
यो डिजिटल प्ल्याटफर्मले कलाकारहरुको रचनात्मकता र सांगीतिक सहकार्य मार्फत पुराना र हालका लोकप्रिय गीतहरुको बढवा गर्ने टुबोर्गले जनाएको छ ।
दोस्रो संस्करणको टुबोर्ग ओपन सेसन्स् संगीत र गायकहरुको चयनको आधारमा पहिले भन्दा थप विशाल र उत्तम हुने जनाइएको छ । निर्माता रोहित शाक्य र मनोजकुमार केसीले नेपाली संगीतको सारलाई पुनर्जीवित गर्दै अक्टोबरदेखि रिलिज हुने सबै २६ वटा गीतहरुमा सँगै सहकार्य गर्र्ने बताइएको छ ।
तीमध्ये २० वटा गीतहरुमा प्रचलित कलाकारहरुले काम गर्नेछन्, ५ वटामा टुबोर्ग ड्रिम बिग प्रोजेक्टका विजेताहरुले काम गर्नेछन् भने एक मुख्य गीतमा विभिन्न कलाकारहरुले सांगीतिक सहकार्य गर्नेछन् ।
सिजन २ ले नेपाली संगीतकारहरुसँग गौरवपूर्ण उत्साह मनाउँदै उनीहरुलाई टुबोर्ग ओपनको मञ्चमा ल्याउने क्रम जारी राख्ने उल्लेख गरिएको छ । नेपाली संगीत उद्योगको विविधतालाई अँगाल्ने र परम्परागत साँगीतिक आधारहरुलाई सम्मान गर्ने यस सेसनको लक्ष्य रहेको जनाइएको छ ।
साथै, स्वप्न सुमन, रोहित जोन क्षेत्री, उदय सोताङ र दि एलिमेन्टस् ब्याण्ड ले सिजन १ को सफलतालाई थप निरन्तरता दिनेछन भने अरु १५ कलाकारहरुले यस सिजनमा पहिलो पटक टुबोर्ग ओपनको मञ्चमा प्रस्तुती दिदैछन् ।
टुबोर्ग ओपन सेसन्स् सिजन १ ले नेपाली दर्शकहरुलाई कलाकारहरुको विविध समूहको प्रस्तुतिको साथ ध्यानाकर्षण गर्न सफल रहेको जनाइएको छ ।
सिजन १ मा ५ ड्रिम बिग प्रोजेक्टका विजेताहरुको साथै ३६ जना लोकप्रिय कलाकारहरुले ५१ वटा गीतहरु निर्माण गर्न सँगै सहकार्य गरेका थिए, जुन युट्युबमा च्यानल आरबिट्ररीमार्फत त अपलोड गरिएको थियो जसले १ करोड भन्दा बढी भ्युज संकलन गरेको छ ।
ड्रिम बिग प्रोजेक्टको गत वर्षको विजेताहरु आरिफ रौफ, सुनिता कार्की, मोनिस निरौला र शौरभ कार्की, राजेश नेपाली र सलोनि डंगोल रहेका थिए । नेपाली संगीतमा परिचित नामहरु श्रेया सोताङ, दिपक बज्रचार्य, रोहित जोन क्षेत्री, स्वप्न सुमन, हेमन्त राना, नितेश जंग कुवर, मनोज कुमार केसी, कबवेब र अरु कलाकारहरुले पनि सिजन १ मा प्रस्तुति दिएका थिए ।
टुबोर्ग ओपन सेसन्स् सिजन २ ले दर्शकहरुलाई विविध सांगीतिक शैलीहरु नयाँ रङ का साथ प्रस्तुत गरी नयाँ सांगीतिक अनुभवहरु प्रदान गर्दैछ ।
