२५ असोज, काठमाडौं । चिनियाँ राष्ट्रपति सी जिनफिङ भारतको चेन्नाइबाट नेपाल प्रस्थान गरेका छन् । राष्ट्रपति विद्यादेवी भण्डारीको औपचारिक निमन्त्रणामा सी नेपाल आउन लागेका हुन् ।
उनको स्वागतका लागि नेपालमा विशेष तयारी गरिएको छ । उनलाई त्रिभुवन अन्तर्राष्ट्रिय विमानस्थलमा राष्ट्रपति विद्यादेवी भण्डारीले स्वागत गर्ने छिन् । विमानस्थलमै नेपाली सेनाले गार्ड अफ अनर प्रदान गर्नेछ ।
सीको भ्रमणलाई लक्षित गरी काठमाडौंको सुरक्षा व्यवस्था कडा पारिएको छ । सडकका दुवै किनारमा हतियारसहितका सुरक्षाकर्मी खटाइएको छ भने नेपाली सेनाले हवाई गस्ती गर्ने छ ।
