२८ असोज, काठमाडौं । विमानस्थलमा तोडफोड गरेको आरोपमा पार्टीका नेता पक्राउ परेकामा राष्ट्रिय जनता पार्टी नेपालले विरोध जनाएको छ ।
सोमबार जनकपुर विमानस्थलमा वुद्ध एयरको काउन्टरमा तोडफोड गरेको आरोपमा प्रहरीले राजपा नेता तथा सर्लाही १ बाट निर्वाचित सांसद प्रमोदकुमार साहलाई पक्राउ गरेको थियो ।
राजपाले सामान्य घटनालाई पनि अतिरञ्जित बनाई साहलाई पक्राउ गरिएको आरोप लगाएको छ । कहिल्यैं समयमा नआउने जहाजहरुको मनोमानीविरुद्ध बोल्दा पक्राउ गरिएको राजपाको दावी छ ।
‘माननीय सांसदलाई अविलम्ब रिहा गरी एयरलाइन्सको सेवा प्रभावकारी, भरपर्दो र नियमित बनाई जनताको चासो सम्बोधन गर्न हामी सरकारसँग जोडदार माग गर्दछौं’ अध्यक्ष मण्डलका संयोजक महन्थ ठाकुरले जारी गरेको विज्ञप्तिमा भनिएको छ ।
