अक्टुबर २ मा रिलिज भएको चलचित्र ‘वार’ले ३ सय करोडको आँकडा छोएको छ । ऋतिक रोशन र टाइगर श्राफको मुख्य भूमिका रहेको यो चलचित्रले बक्स अफिसमा आक्रामक कमाई गरेको छ । योसँगै चलचित्रले निर्मातालाई मात्र होइन, नायक ऋतिक रोशनलाई पनि लोभलाग्दो रकम दिने देखिएको छ ।
यो चलचित्रको बजेट १५० करोड हो । २० करोड प्रचार खर्च सहित १७० करोडमा तयार भएको चलचित्रले ३ सय १० करोड भारतीय बक्स अफिसबाट कमाउने अनुमान गरिएको छ । चलचित्रले भारतबाट वितरकलाई १४० करोड फिर्ता दिने निश्चित छ । साथै, ओभरसिजनमा ९० करोड कमाई गरेको चलचित्रले वितरकलाई ४० करोड फिर्ता दिनेछ ।
टेलिभिजन र डिजिटल राइट्स १५० करोडमा विक्री भएको चलचित्रको म्यूजिक राइट्स १० करोडमा विक्री भएको थियो । समग्रमा निर्माताले १७० करोड चलचित्रबाट फाइदा लिएका छन् ।
चलचित्रका लागि नायक ऋतिक रोशनले ३० करोड पारिश्रमिक र नाफाको ४० प्रतिशत लिनेगरि सहमती गरेका थिए । यसैले, ऋतिकले चलचित्रबाट ९८ करोड कमाउने भारतीय अनलाइन बलिउड हंगामाले आँकडा तयार पारेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4