मोटोपन सधैं सबैका लागि चिन्ताको विषय बन्छ । खासगरी फेसन पारखीहरुका लागि त मोटोपन अभिसाप नै हो । बढ्दो आधुनिकीरणसँगै अहिले शहर-बजारमा मोटोपनाको समस्या बिकराल बन्दै गएको छ । खासगरी विवाहित नारीहरु विवाहपछिको मोटोपनका कारण निकै चिन्तित देखिन्छन् ।
मोटो शरीर भएका महिलाहरु साडी लगाउन डराईरहेका हुन्छन् । तर, उनीहरुलाई साडीमा पनि स्लिम देखिन सकिन्न भन्ने कुराको जानकारीको अभाव भएको हुन सक्छ । तर, जहाँ इच्छा त्यहाँ उपाय भने झैं खाईलाग्दा ज्यान भएका युवती तथा महिलाहरुले साडी र कुर्तामा कसरी आफूलाई सुन्दर, आकर्षक तथा स्टाइलिस देखाउने भन्ने बारेमा हामीले केही जानकारी लिएर आएका छौं ।
साडीमा स्लिम देखिन
-शरीरको मोटोपना लुकाउनका लागि सारीको रंग अत्यन्त महत्वपूर्ण हुन्छ । त्यसैले हल्का रंगका साडीहरु छनोट गर्नुपर्छ ।
-स-साना प्रिन्ट भएका साडी लगाउने हो भने पनि तपाईं स्लिम देखिन सक्नुहुनेछ ।
-सिफन, जर्जेट र क्रेपका साडी लगाउनाले पनि तपाईं स्लिम देखिन सक्नुहुनेछ । यी साडीहरु हल्का हुनाले तपाईंलाई स्मिल देखिन सहयोग पुग्छ ।
-यदि तपाईंको शरीर मोटो छ भने सिल्क, सुती तथा टिस्युका साडी लगाउनु हुँदैन ।
-मोटो शरीर भएका महिलाहरुले ठूल्ठूला प्रिन्ट भएका साडी लगाउनु हुँदैन ।
-ठूलो तथा मोटो बोर्डर भएको साडीले तपाईंलाई होची तथा मोटी देखाउनसक्छ । त्यसैले साडी छनोट गर्दा पातलो बोर्डर भएको तथा हल्का कढाई भएको साडी लगाउनुपर्छ ।
-माथि नै भनियो, साडीको रंगले पनि स्लिम देखाउन विशेष भूमिका निर्वाह गर्छ । कालो, गाढा रातो अथवा नीलो रंगको समडीले स्लिम देखिन सहयोग पुर्याउँछ ।
-साडी लगाउने क्रममा सही तरिकाले पिनअप गर्दा पनि तपाईं स्मिल देखिन सक्नुहुनेछ ।
-साडीलाई लुज लगाउँदा पनि शरीर मोटो देखिन्छ । त्यसैले साडीमा स्लिम देखिनका लागि साडीलाई राम्रोसँग कसेर बाँध्नुपर्छ ।
कुर्ता-सुरुवालमा स्लिम देखिन
-गाढा र चौडा गाला भएको कुर्ता लगाउनुपर्छ ।
-टाइट कुर्ता लगाउनु हुँदैन । धेरै लुज सुरुवाल पनि लगाउनु हुँदैन ।
-यदि तिघ्रा तथा नितम्ब ठूलो छ भने पातलो कम्मरमा ध्यान केन्दि्रत गराउने खालको सरुवाल लगाउनु पर्छ ।
-कलर भएको कुर्ता अथवा धेरै हेण्डवर्क गरिएको कुर्ता लगाउनुपर्छ । जसमा गला तथा कम्मरमा वर्क गरिएको होस् ।
-शरीरलाई फिट हुने शैलीका कुर्ता तथा अनारकली कुर्ता लगाउनुपर्छ ।
-कुर्ताको लम्बाई सधैं लामो हुनुपर्छ । जसले तपाईंलाई अग्ली तथा पातली देखाउँछ ।
-यदि पेट र कम्मर दुवै भाग मोटो छ भने ती दुवै स्थानमा ध्यान कम जाने खालको कुर्ता सुरुवाल छनोट गर्नु राम्रो हुन्छ ।
-भि-गला भएको कुर्ता शरीरलाई फिट हुन्छ र शरीरलाई पनि सुहाउँछ ।
-कटनको सुरुवालले पनि तपाईंलाई स्लिम देखाउँछ । यदि फिटिङ राम्रो छ भने कटनको सुरुवाल लगाउँदा स्लिम देखिन सकिन्छ ।
-कुर्तासँगै सुरुवालको स्थानमा चुँडीदार लगाएमा अझ स्लिम देखिन्छ ।
-सधै गाढा रंगको कुर्ता र सुरुवाल अथवा चुँडीदार हल्का रंगको छनोट गर्दा पनि स्लिम देखिन सकिन्छ ।
-कुर्ताको सललाई सधैं काँधमै राख्दा पनि तपाईं स्लिम देखिन सक्नुहुनेछ ।