१८ कात्तिक, काठमाडौं । एएफसी यू–१९ च्याम्पियनसिप छनोट खेल्ने नेपाली युवा टिमलाई विदाई गरिएको छ ।
अखिल नेपाल फुटबल संघ (एन्फा) ले आज (सोमबार) नेपाली टोलीको विदाई गरेको हो । नेपाल रहेको समूह ‘डी’ मा आयोजक इरानसँगै युएई र किर्गिस्तान छन् ।
नेपालले आफ्नो पहिलो खेल नोभेम्बर ६ तारिखमा युएईविरुद्ध खेल्नेछ । त्यस्तै, आठ तारिखमा इरान र किर्गिस्तानसँग १० तारिखमा खेल्नेछ । मुख्य प्रशिक्षक मेघराज केसीले आफ्नो लक्ष्य नै एएफसी यू–१९ च्याम्पियनसिप छनोट हुने भएको बताएका छन् ।
नेपाली टिम
गोलकिपर : विशाल सुनार, रोहित कार्की, पुजन होना
डिफेन्डर : विशाल बस्नेत, रन्दीप पौडेल, पदम भट्टराई, अशिम गुरुङ, नविन गुरुङ, रोशन दोङ, विकास खवास, योगेश गुरुङ, निराजन महर्जन
मिडफिल्डर : दर्शन गुरुङ, रञ्जन पुन, आकाश बुढामगर, जय गुरुङ, मनिष थापा, अनिल महर्जन, दिनेश हेञ्जन
फरवार्ड : मनिष डाँगी, रजिव लोप्चन, रेजिन सुब्बा (कप्तान) दिपेश आलेमगर ।
