२१ कात्तिक, काठमाडौं । सामाजिक सुरक्षा कोषमा आवद्ध हुन वाणिज्य बैंकहरु इच्छुक देखिएका छन् ।
बिहीबार श्रम, रोजगार तथा सामाजिक सुरक्षामन्त्री गोकर्ण बिष्टलाई भेटेर बैंकर्स संघका पदाधिकारीले कोषमा आवद्ध हुन इच्छुक रहेको बताएका हुन् । तर केही प्रावधानहरु भने सच्याउनुपर्ने माग बैंकर्सले राखेका छन् ।
कोषका कार्यकारी निर्देशक कपिलमणि ज्ञवालीले भेटमा बैंकर्स संघका पदाधिकारीसँग सकारात्मक कुरा भएको जानकारी दिए । उनका अनुसार करको विषयमा केही बैंकर्सका केही गुनासो रहेको छ ।