काठमाडौं । इंग्लिस क्लब टोटनह्यामले प्रशिक्षक माउरिसिओ पोचेटिनोलाई बर्खास्त गरेको छ ।
२०१४ मा प्रशिक्षक बनेका उनले गत सिजन क्बललाई च्याम्पियन्स लिगको फाइनलसम्म पुर्याएका थिए । तर यो सिजन प्रिमियर लिगमा खराब प्रदर्शन गरेको टोटनह्याम १४ औं स्थानमा छ ।
क्लबका अध्यक्ष ड्यानियल लेवीले भनेका छन्, हामी यो परिर्वतनका लागि अनिच्छुक थियौं । यो बोर्डले कुनै हतारमा लिएको निर्णय होइन ।
गत सिजनको अन्त्यमा र यो सिजनको सुरुवातमा घरेलु लिगका नजिता निकै निराशाजनक रह्यो, उनले अघि भने ।
पोचेटिनो र उनको कोचिङ स्टाफसँग निकै यादगार क्षणहरु रहेको चर्चा गर्दै लेवीले क्लबको हितलाई हेरेर यो निर्णय लिएको बताएका छन् ।
अब टोटनह्यामको प्रशिक्षकमा जोजे माउरिन्हो आउने सम्भावना छ । म्याचेष्टर युनाइटेडबाट बर्खास्त भएपनि उनी क्लबबिहीन छन् ।
