काठमाडौं । एरोन राम्सीको दुई गोलसँगै वेल्सले हंगेरीलाई हराएको छ र युरोकप २०२० मा स्थान बनाएको छ ।
मंगलबार राति भएको खेलमा वेल्सले हंगेरीलाई २–० गोल अन्तरले हराएको हो । युरोकप छनोटमा पहिलो पटक प्लेइङ ११ मा परेका राम्सीले १५ औं मिनेटमा नै वेल्सको खाता खोले ।
दोस्रो हाफको सुुरुमा नै उनले व्यक्तिगत दोस्रो गोल गर्दै अग्रता दोब्बर बनाए ।
वेल्सले सन् २०१६ मा ५८ वर्षपछि पहिलो पटक युरोकप खेलेको थियो ।