२०८३ असोज १३ गते १४:५९ 
१३ असोज, काठमाडौं । पोखरा भ्रमणमा रहेको भुटान क्रिकेट टोली पहिलो अभ्यास खेलमा गण्डकी प्रदेशविरुद्ध ९६ रनमा समेटिएको छ ।
पोखरा रंगशालास्थित क्रिकेट मैदानमा टस हारेर पहिला ब्याटिङ थालेको भुटान १९ ओभर ३ बलमा ९६ रन जोड्दै अलआउट हुन पुग्यो ।
भुटानका लागि सोनाम चोपेल र रञ्जुङ मिक्यो दोर्जीले समान २७ रन बनाए । नामगे थिन्ले १६, नामगाङ चोजे २, थिन्ले जम्त्सो ७, ताशी दोर्जी २ र सोनाम येशे २ रनमा भए ।
ताशी फुन्छो ९ रनमा अविजित रहे । तेन्जिन राब्गे, गाकुल कुमार घाले र ताशी चोपेलले कुनै पनि रन बनाउन सकेनन् ।
बलिङमा गण्डकीका सुवास भण्डारीले सर्वाधिक ४ विकेट लिए । ४ ओभरमा उनले १५ रन खर्चेर ४ विकेट लिएका हुन् ।
अपराजित पौडेलले ३, कप्तान बिपिन खत्री, सुदीप अर्याल र सिव्रिन श्रेष्ठले एक-एक विकेट लिए ।
पोखरा भ्रमणमा रहेको भुटानले गण्डकी प्रदेश र क्यान–११ सँग दुईदुई अभ्यास खेल्ने तालिका छ ।
प्रतिक्रिया 4