९ मंसिर, चितवन । चितल मारेर परालको टौवामा लुकाउने एक जना चितवनको खैरहनीबाट पक्राउ परेका छन् ।
पक्राउ पर्नेमा चितवनको खैरहनी नगरपालिका-१३ बस्ने हेमबहादुर ढुंगाना रहेका छन् । चितवन राष्ट्रिय निकुञ्ज सुरक्षार्थ खटिएको नेपाली सेनाको बटुकदल गणका सुरक्षाकर्मीहरुले आइतबार उनलाई चितल मार्न प्रयोग गरिने खुकुरी, चक्कु र दाउसहित नियन्त्रणमा लिएको हो ।
घर नजिकैको टौवामा चितल मारेर छोपेर राखेको छ भन्ने सूचनाको आधारमा उनी पक्राउ परेको गणले जनाएको छ । ढुंगानाको घर कुमरोज सामुदायिक बन नजिकै पर्छ । पक्राउ परेका ढुंगानालाई निकुञ्ज कार्यालय कसरामा बुझाइएको छ ।
