१० मंसिर, हेटौंडा । मकवानपुरको इन्द्रसरोवर गाउँपालिका–२, सुकौंरामा भीरबाट लडेर १ जनाको ज्यान गएको छ ।
ज्यान गुमाउनेमा ३२ वर्षीय सुरेश थापा मगर छन् । मगर बा २० च ५९३९ नम्बरको बोलेरोका चालक हुन् । प्रहरीका अनुसार, मकवानपुरबाट माछा बोकेर काठमाडौं जान लागेका उनी शौचका लागि भीरमा गएका थिए ।
इन्द्रसरोवर गाउँपालिका–१, मार्खुका मगरको शव पोस्टमार्टमका लागि हेटौंडा ल्याउने तयारी प्रहरीले गरेको छ ।