१६ मंसिर, जनकपुरधाम । टिपर चालकसँग एक हजार रुपैयाँ घुस लिने क्रममा धनुषाबाट एकजना ट्राफिक प्रहरीका नायव निरीक्षक पक्राउ परेका छन् ।
पक्राउ पर्नेमा प्रहरी नायव निरीक्षक नवीन कुमार झा रहेका छन् । उनलाई धनुषाको क्षिरेश्वरनाथ नगरपालिकाबाट साेमबार अख्तियर दुरुपयोग अनुसन्धान आयोग बर्दिवासको टाेलीले घुससहित पक्राउ गरेकाे हाे ।
ढुंगा तथा गिट्टी ढुवानीमा सहज गरिदिने भन्दै झाले टिपर चालकसँग रुपैयाँ लिइरहेका थिए । झालाई नियन्त्रणमा लिएर थप अनुसन्धान गरिरहेकाे अख्तियारले जनाएको छ ।
