१७ मंसिर, काठमाडौं । १३औं साग अन्तर्गत तेक्वान्दोमा नेपाल अर्को स्वर्ण जितेको छ । पुरुष ६८ केजी तौल समूहमा प्रतिस्पर्धा गरेका वीरबहादुर महराले स्वर्ण जितेका हुन् ।
मंगलबार भएको फाइनलमा उनले पाकिस्तानी खेलाडीलाई ४१–३६ को स्कोरमा हराएका छन् ।
आफ्नो योजनाअनुसार खेल्दा सफलता हात लागेको उनले सुनाए । उनले ओलम्पिक क्वालिफायरका लागि अझ मेहनत गरेर तयारी गर्ने महराले बताएका छन् ।
यससँगै सागमा नेपालको स्वर्ण २३ पुगेको छ ।
