२२ मंसिर, काठमाडौं । १३ औं दक्षिण एसियाली खेलकुद (साग)मा नेपालकी देविका खड्काले जुडोमा स्वर्ण जितेकी छन् ।
लगनखेलस्थित नेपाली सेनाको शारीरिक तालिम तथा खेलकुद केन्द्रमा भएको ५२ केजी तौल समूहमा प्रतिस्पर्धा गरेकी उनले स्वर्ण जितेकी हुन् ।
चार देश सहभागी यो इभेन्टमा देविकाले पहिलो खेलमा श्रीलंकाकी हाथुरुसिन्घे गेडारालाई पराजित गरेकी थिइन् । दोस्रो खेलमा भारतकी गायत्री टोकसलाई हराएकी उनले तेस्रोमा बंगलादेशकी तहामिदा जेरिनलाई पराजित गर्दै स्वर्ण पदक जितेकी छन् ।
