Comments Add Comment

एमएम कप : पुलिसद्वारा कर्णाली २६७ रनले पराजित

२३ पुस, इनरुवा । सुनसरीको इनरुवामा जारी मनमोहन मेमोरियल एकदिवसीय राष्ट्रिय प्रतियोगितामा विभागीय टोली नेपाल पुलिस क्लबले कर्णाली प्रदेशलाई फराकिलो रन अन्तरले पारजित गरेको छ ।

प्रतियोगिता अन्तर्गत बुधवारदेखि शुरु भएको समुह बि  को पहिलो खेलमा पुलिस क्लबले कर्णाली प्रदेशलाई २ सय ६७ रनको अन्तरले हरायो ।

नेपाल पुलिस क्लबले दिएको ३ सय ४७ रनको लक्ष्य पछ्याउने क्रममा कर्णाली प्रदेशले २७.१ ओभरमा सबै विकेट गुमाएर ७९ रनमा अलआउट भयो ।

कर्णाली प्रदेशको लागि राज शाहले सर्वाधिक २३ रन बनाए भने टेक सलामीले १४, हेमन्त ओली र दिवान पुनले समान १० रन बनाए ।  अन्य ब्याट्सम्यानले दोहोरो अंकमा रन बनाउन सकेनन् । कर्णालीलाई अलआउट गर्न पुलिसका लागि ललित भण्डारी, मन्जित श्रेष्ठ र सागर ढकालले  २/२ विकेट लिए । यस्तै दिपेन्द्र ऐरी, पवन सर्राफ, ललित राजबंशी र कुशल भुर्तेलले समान १ विकेट लिए ।

त्यसयस अघि टस जितेर कर्णाली प्रदेशले बलिङ रोजेपछि पहिले ब्याटिङ गरेको नेपाल पुलिस क्लबले ४९.३ ओभरमा सबै विकेट गुमाएर ३ सय ४६ रन बनाएको थियो।

पुलिसको लागि कुशल भुर्तेलले सर्वाधिक ७८ रन बनाए । उनले ४९ बलमा ७ चौका र ५ छक्का प्रहार गरे । यस्तै सुनिल धमलाले ७० रन बनाए  । उनले ९५ बलमा ६ चौका र १ छक्का प्रहार गरे । दिपेन्द्र ऐरीले २५, अनिल साहले ३६, दिलिप नाथ र पवन सर्राफ समान १५ रन, मन्जित श्रेष्ठ १८ रन बनाए ।

कर्णाली प्रदेशका लागि रविन्द्र जंग शाहीले सर्वाधिक ३ विकेट लिए । यस्तै युनिष सिंह र राज शाहले २/२ विकेट लिए।

पुलिसका कुशल भुर्तेल खेलको प्लेयर अफ द म्याच चुनिए ।

प्रतियोगिता अन्तर्गत बिहिबार  कर्णाली प्रदेश र प्रदेश नम्बर-२ बीच खेल हुनेछ ।

प्रतियोगिता अन्तर्गत यस अघि सम्पन्न समुह ‘ए’ र ‘सी’ को खेलहरुबाट त्रिभुवन आर्मी क्लब र प्रदेश नम्बर-३ टिम सेमीफाइनल प्रवेश गरिसकेका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment