पुँजी बजारको स्थायित्व प्राथमिकतामाः नवनियुक्त अध्यक्ष ढुंगाना

२७ पुस, काठमाडौं । पुँजी बजारको नियमनकारी निकाय नेपाल धितोपत्र बोर्डका नवनियुक्त अध्यक्ष भिष्मराज ढुंगानाले पुँजी बजारको स्थायित्वलाई प्राथमिकतामा राखेर काम गर्ने बताएका छन् । ढुंगानाले पुँजी बजार सुधार र विस्तार गर्ने तर्फ आफूले ध्यान दिने बताए ।

नेपाल राष्ट्र बैंकमा ३० वर्ष सेवा गरी अवकास पाएका ढुंगानालाई केहि दिन अघिमात्रै सरकारले बोर्ड अध्यक्ष नियुक्त गरेको थियो । पुँजी बजार सुधारका लागि सबै पक्षले सहयोग गर्नु पर्ने समेत उनले बताए ।

नेपाल आर्थिक पत्रकारहरु संघ (नाफिज) को प्रतिनिधिहरुसँगको भेटामा भने, ‘पुँजी बजारमा सुधार गर्नु पर्ने धेरै विषयहरु छन्, यसका लागि सबैले सहयोग गर्नुपर्छ, त्यो सहयोग आर्थिक पत्रकारहरुबाट पनि होस भन्ने मैले चाहेको छु ।’