२९ पुस, काठमाडौं । नेपाली कांग्रेसका सभापति शेरबहादुर देउवाले माघे सङ्क्रान्ति पर्वले सबै नेपालीमा सुख, शान्ति र समृद्धिको वातावरण सिर्जना गर्ने विश्वास व्यक्त गरेका छन् ।
माघे सङ्क्रान्ति पर्वको पूर्वसन्ध्यामा मंगलबार एक शुभकामना सन्देश दिँदै देउवाले माघे सङ्क्रान्ति पर्वले सामाजिक सद्भाव अभिवृद्धि गर्न सबैमा प्रेरित गर्न सकोस् भन्ने कामना गरेका छन् ।
देउवाले भौगोलिक, जातीय र सांस्कृतिक विविधता युक्त मुलुकमा मनाइने माघे सङ्क्रान्ति पर्वले धर्म, संस्कृति, रीतिरिवाज र परम्पराको संरक्षणमा लाग्न प्रेरित गर्ने विश्वास व्यक्त गरे ।
