२९ पुस, जनकपुरधाम । आफ्नै घर अगाडि हतियार पड्काउँदै हिंड्ने दुई जना धनुषाबाट पक्राउ परेका छन् ।
धनुषाको जनकनन्दनी गाउँपालिका वडा नम्बर ५ बाट २६ वर्षीय दिपेश महतो र १९ वर्षीय शुभकेश महतो मंगलबार पक्राउ परेका हुन् ।
जिल्ला प्रहरी कार्यालय धनुषाका अनुसार आफ्नै घर अगाडि हतियार पड्काउँदै हिंडेको सूचनाको आधारमा उनीहरुलाई पक्राउ गरिएको हो ।
हतियार पड्काइरहेको सूचना प्राप्त भएपछि इलाका प्रहरी कार्यालय खजुरीबाट प्रहरी निरीक्षकको नेतृत्वमा खटिएको टोलीले उनीहरुलाई पक्राउ गरेको हो ।
प्रहरी टोली पुग्दा दिपेशले आफ्नै आँपको बगैंचा भएको जमिनमा माटो र खरानीले छोपी लुकाई छिपाई राखेको अवस्थामा स्वचालित हतियार पेस्तोल बरामद गरी उनीहरुलाई पक्राउ गरिएको हो । यस सम्बन्धमा थप अनुसन्धान भइरहेको प्रहरीले जनाएको छ ।
