१ माघ, गोरखा । मदिरा खाएर झगडा गर्दा बुधबार गोरखा नगरपालिका–८ रानीवनका ५९ बर्षका गोपाल उपरकोटीको मृत्यु भएको छ ।
गोरखा नगरपालिका–६ पोखराथोकका ५० बर्षका रामबहादुर सिर्मलको कुटाइबाट उपरकोटीको मृत्यु भएको प्रहरीको भनाइ छ । ‘उनीहरु आफन्त पर्ने रहेछन्, रक्सी खादै जाँदा कुटपिट भएछ,’ जिल्ला प्रहरी प्रमुख एसपी ओमप्रसाद अधिकारीले भने, ‘घाइते उपरकोटीको एपोलो अस्पतालमा उपचार गर्दा गर्दै मृत्यु भयो ।’
सिर्मललाई प्रहरीले पक्राउ गरेको छ । घटनाबारे थप अनुसन्धान भइरहेको एसपी अधिकारीको भनाइ छ । शव पोष्टमार्टमका लागि जिल्ला अस्पताल गोरखामा राखिएको छ ।