१३ माघ, गुल्मी । गुल्मीको धुर्कोटमा रहेको स्मार्ट फोनको टावरमा आगजनी भएको छ । धुर्कोट गाउँपालिका-६ धुर्कोटस्थित रजस्थलमा रहेको टावरमा अज्ञात समूहले आगजनी गरेको प्रहरीले जनाएको छ ।
आइतबार राति करिब ११ बजेको समयमा भएको आगजनीबाट टावरको ओडीबक्स पूर्ण रुपमा जलेर क्षति भएको जिल्ला प्रहरी कार्यालय गुल्मीले जनाएको छ ।
टावरमा क्षति पुगेका कारण स्मार्ट फोनको नेटवर्क अवरुद्ध भएको गुल्मीका प्रहरी उपरीक्षक राजेन्द्रसिंह खड्काले बताए ।
करिब ५ वर्षदेखि उक्त स्थानमा स्मार्ट फोन कम्पनीले टावर राखेको थियो ।
आगजनीका बारेमा आवश्यक अनुसन्धान भइरहेको प्रहरी उपरीक्षक खड्काले बताए ।
