२३ माघ, बुटवल । प्रदेश ५ का प्रदेश प्रमुख धर्मनाथ यादवले आम नागरिकको जीवनसंग कसैले पनि खेलवाड गर्न नहुने बताएका छन् ।
जुनसुकै पेशा व्यवसाय गर्नेले उपभोक्ताको अधिकारको ख्याल गर्नुपर्ने भन्दै उनले ब्यवसायीको पनि समाजप्रति उत्तरदायी हुनुपर्ने बताए ।
खुद्रा किराना ब्यवसायी संघ रुपन्देहीको ७ औं अधिवेशनबाट निर्वाचित पदाधिकारी तथा सदस्यको पदस्थापन कार्यक्रममा उनले भने ‘अरु व्यवसाय भन्दा तपाईंहरुको फरक छ, समाजप्रति दायित्व र कर्तव्य पनि रहन्छ, यसलाई ध्यान दिनुस्’ उनले भने ।
पेशा व्यवसाय सञ्चालनबाटै आम नागरिकको जीवनयापन हुने भएकाले त्यस्ता विषयमा खेलाँची गर्न नहुने उनको सुझाव छ ।
यादवले उपभोक्ताको हितलाई ध्यानमा राखेर पेशा ब्यवसाय संचालन गर्न व्यवसायीहरुलाई आग्रह गरे ।