Comments Add Comment

ललितपुरमा पूर्वसचिव पत्नीको हत्या प्रयास, कामदारद्वारा आत्महत्या

पूर्वसचिव अर्जुन कार्कीको सानेपास्थित निवास । तस्वीर : विकास श्रेष्ठ/अनलाइनखबर

२७ माघ, काठमाडौं । ललितपुरको सानेपामा पूर्वसचिव अर्जुन कार्कीकी पत्नी मुनाको हत्या प्रयास भएको छ ।

सोमबार बिहान सानेपास्थित निवासमै मुनाको हत्या प्रयास भएको महानगरीय प्रहरी परिसर, ललितपुरका प्रमुख एसएसपी टेकप्रसाद राईले अनलाइनखबरलाई बताए ।

उनले भने, ‘उहाँको अवस्था गम्भीर छ । हामी अस्पताल लाँदैछौं ।’

घरमा कामदार विशेष चौधरीले पनि आत्महत्या गरेका प्रहरीले जनाएको छ ।

अहिले घटनास्थलमा फरेन्सिक विज्ञको टोली पठाइँदैछ । घटनामा कसले र किन गरायो भन्ने खुलेको छैन । घटनामा प्रयोग भएको हतियारबारे पनि प्रहरीले खुलाएको छैन ।

ललितपुरका डीएसपी सन्तोष तामाङले भने, ‘कुन हतियार प्रयोग भएको थियो भन्ने हेरिरहेका छौं ।’

यो खबर पढेर तपाईलाई कस्तो महसुस भयो ?

ट्रेन्डिङ

Advertisment