७ चैत्र, कैलाली । कैलालीमा मोटरसाइकल दुर्घटना हुँदा दुई जनाको मृत्यु भएको छ ।
गोदावरी नगरपालिका-४ स्थित हनुमान मन्दिर नजिक से३प ३३६५ नम्बरको मोटरसाइकल दुर्घटना हुँदा दुई जनाको मृत्यु भएको जिल्ला प्रहरी कार्यालय कैलालीले जनाएको छ ।
मृत्यु हुनेमा कञ्चनपुर कृष्णपुर नगरपालिका-७ का २६ वर्षीय श्यामकुमार कुँवर रहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए । अर्का एक जनाको भने सनाखत भएको छैन ।
मोटरसाइकल अनियन्त्रित भएर दुर्घटना भएको प्रहरीको भनाइ छ ।
