७ चैत, डोटी । नेत्रविक्रम चन्द नेतृत्वको नेपाल कम्युनिस्ट पार्टीका डोटी जिल्ला सदस्य सुरेन्द्र देउवा “अर्जुन” पक्राउ परेका छन् ।
जिल्ला जनपरिषद् प्रमुख समेत रहेका देउवालाई प्रहरीले बिहीबार राति जोरायल गाउँपालिका–५ सिस्मडास्थित उनकै घरबाट पक्राउ गरेको हो । ३७ वर्षीय देउवामाथी एनसेलको टावरमा आगजनी गरेको आरोप छ । ०७६ साल साउन १५ गते राति जोरायल गाउँपालिका–१ कुटुन्थलामा रहेको एनसेलको टावरमा आगजनी भएको थियो ।
पक्राउ परेका सुरेन्द्रलाई शुक्रबार साँझ जिल्ला सदरमुकाम पुर्याइएको डोटीका प्रहरी उपरीक्षक दिलिपसिंह देउवाले जानकारी दिए । उनीविरुद्ध आपराधिक परिवेश तथा आपराधिक उपद्रसम्बन्धी कसुरमा मुद्दा चलिरहेको उनले जानकारी दिए ।
