१० चैत, चितवन । कोरोना भाइरसको त्रासका कारणले चितवनबाट प्रकाशित हुने दैनिक तथा साप्ताहिक पत्रपत्रिकाहरु चैत्र २१ गतेसम्म बन्द हुने भएका छन् ।
जिल्लाबाट प्रकाशन हुने १९ वटा दैनिक तथा साप्ताहिक पत्रिकाका सम्पादक तथा प्रकाशकहरुको सोमवार बसेको बैठकले आगामी बुधवारदेखि चैत २१ गते शुक्रवारसम्म पत्रिका बन्द गर्ने निर्णय गरेको हो ।
उनीहरुद्वारा जारी विज्ञप्तिमा सबैतिर बजार बन्द भएसँगै पत्रपत्रिकाको प्रकाशनमा कठिनाइ परेकोले यस्तो निर्णय गर्नुपरेको उल्लेख गरिएको छ ।
न्यूज प्रिन्टको अभाव, समाचार संकलनमा जोखिम भएको उल्लेख गरिएको छ । पत्रपत्रिका बन्द भए पनि अनलाइन संस्करण भने बन्द नहुने विज्ञप्तिमा उल्लेख छ ।