१३ चैत, काठमाडौं । सरकारले अत्यावश्यक वस्तुको पसलको गाडी चल्न दिने भएको छ । गृह मन्त्रालयका सचिव महेश्वर न्यौपानेको अध्यक्षतामा बसेको बैठकले अत्यावश्यक खाद्यवस्तुका स्टोरको डेलिभरी भ्यान चल्न दिने निर्णय गरेको हो ।
यस्ता डेलिभरी भ्यानलाई जिल्ला प्रशासन कार्यालयहरुले सवारी पासको व्यवस्था गर्ने निर्णय भएको छ । पसल सञ्चालकले माग संकलन गरी ग्राहकले माग गरेको सामानको कम्बो प्याक बनाई बिक्री गर्ने निर्णय पनि भएको मन्त्रालयले जनाएको छ ।
मन्त्रालयले अहिलेको जटिल समयमा कालोबजारी, कृत्रिम अभाव सिर्जना गर्ने, जम्माखोरीजस्ता काम गर्नेरेको पाएमा ११४९ नम्बरमा फोन गरेर जानकारी दिन पनि आग्रह गरेको छ ।