नायक अनमोल केसी वर्तमान समयमा हट केक हुन् । नेपाली चलचित्रमा उनको माग एकदमै धेरै छ । अनमोललाई लिएर चलचित्र बनाउनका लागि निर्माताले ५० लाखसम्म पारिश्रमिक दिन तयार भएका छन् ।
उनै, हट केक नायक केसी आज आफनो जन्मदिन मनाउँदैछन् । उसो त, नायक केसीले जन्मदिनको अवसरमा खासै कुनै योजना भने बनाएका छैनन् । विश्व यतिबेला कोरोना भाइरसको चपेटामा रहेकाले पनि अनमोल घर बाहिर गएर जन्मदिन मनाउन सक्दैनन् ।
यसअघिका जन्मदिनमा उनका शुभचिन्तकहरु उनको घरसम्म पुग्ने गरेका थिए । तर, यसपटक भने अनमोलले जन्मदिनमा कुनै योजना बुनेका छैनन् । नायक केसीलाई उनका पिता भुवन केसीले जन्मदिनको शुभकामना दिएकी छिन् ।
उनले उमेर जति नै बढेपनि आफ्ना लागि अनमोल सधैं नै स्मार्ट बच्चाको रुपमा रहने उल्लेख गरेका छन् । यस्तै, अनमोललाई शुभचिन्तक, चलचित्रकर्मीले पनि सामाजिक सञ्जालको माध्यमबाट जन्मदिनको शुभकामना दिइरहेका छन् ।
नायक भुवन केसी र नायिका सुस्मिता केसीको कोखबाट जन्मिएका अनमोलले अभिनय गरेको पहिलो चलचित्र भने ‘होस्टेल’ हो । उनी, अहिले आठौं चलचित्र ‘ए मेरो हजुर-४’मा व्यस्त छन् । अनमोल आजबाट २५ वर्ष पूरा भएर २६ लागेका छन् ।
