२४ चैत, काठमाडौं । तौलिहवामा रहेको कपिलवस्तु जिल्ला अस्पतालमा एक बिरामीको ज्यान गएको छ ।
कपिलवस्तु विजयनगर–२ का गोबर्द्धन भरको सोमबार जिल्ला अस्पतालमा उपचारका क्रममा ज्यान गएको कपिलवस्तु जिल्ला प्रहरी कार्यालयका एसपी दीप शम्शेर राणाले जानकारी दिए ।
उनका अनुसार मृतक भर पहिलेदेखि नै क्षयरोगका बिरामी थिए ।
क्षयरोगको औषधि सेवन गरिरहेका भरलाई अचानक स्वास्थ्य समस्या भएपछि पाँच दिन अघि जिल्ला अस्पताल तौलिहवामा भर्ना गरिएको थियो ।
उनको निमोनियाका कारण ज्यान गएको प्रहरीले जनाएको छ । उनको थप परीक्षणको लागि पठाइएको छ भने थप रिपोर्ट आउन बाँकी रहेको प्रहरीले जनाएको छ ।
३० वर्षीय भरको ट्राभल हिस्ट्रीको बारेमा जानकारी नभइसकेको एसपी राणाले जानकारी दिए ।
