२८ चैत, काठमाडौं । गोल्डेनगेट इन्टरनेसनल कलेजले लकडाउनका कारण छाक टार्न समस्यामा परेका विपन्न परिवारलाई राहत उपलब्ध गराएको छ ।
गोल्डेनगेटसहित हिसान र त्रिकुति कोलोनीले काठमाडौं महानगरपालिका वडा ९ का ५ सय ५० परिवारलाई राहत सामग्री वितरण गरेको हो। गोल्डेन गेटका प्रमुख कार्यकारी अधिकृत रमेशकुमार सिलवालले वडा कार्यालयको समन्वयमा विपन्न परिवारलाई राहत वितरण गरेका हुन् । विपन्न परिवारलाई चामल, दाल, चिउरा, नुन, तेल, मन्जन लगायतका राहत सामग्री उपलब्ध गराएको वडाध्यक्ष रामकृष्ण श्रेष्ठले बताए ।
वडा अध्यक्ष श्रेष्ठका अनुसार योसहित विपन्न परिवारलाई चार चरणमा १ हजार ७ सय १५ परिवारलाई राहत वितरण गरिसकिएको छ । वडा आफैंले ४ सय ८५ परिवारलाई राहत वितरण गरेको र बाँकी विभिन्न संघ, संस्था र शुभचिन्तकको सहयोगमा राहत वितरण गरेको उनले बताए ।
