२ वैशाख, जनकपुरधाम । प्रदेश २ मा कोरोनाको आशंकामा २० जनालाई आइसोलेसनमा राखिएको छ । प्रदेश सामाजिक विकास मन्त्रालयका अनुसार, सबैभन्दा बढी बारा जिल्लाका १४ जनामा कोरोना आशंका गर्दै आइसोलेसनसमा राखिएको छ ।
मन्त्रालयका सचिव रामप्रसाद घिमिरेले नियमित मिडिया ब्रिफिङका क्रममा मंगलबार उक्त जानकारी गराएका हुन् । घिमिरेले बारा सदरमुकाम कलैयास्थित अस्पतालमा १४ जनालाई आइसोलेसनमा राखिएको छ । यस्तै सिराहाको महेन्द्र गेनाई अस्पतालको आइसोलेसनमा ५ जना तथा प्रादेशिक अस्पताल जनकपुरधामको आइसोलेसनमा १ जनालाई भर्ना गरिएको छ ।
सचिव घिमिरेले उनीहरुको स्वाब संकलन गरी परीक्षणका लागि पठाइएको जानकारी दिए । ‘जनकपुरमा भएको पीसीआर मेसिनको क्षमता थोरै भएकाले उनीहरुको स्वाब संकलन गरी काठमाडौं पठाएका छौं’ उनले भने ।
अहिलेसम्म प्रदेशमा चार जना संक्रमित देखापरेको बताउँदै उनले ती सबैलाई वीरगंजस्थित नारायणी उप क्षेत्रीय अस्पतालको आइसोलेसनमा राखेर उपचार भइरहेको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4