यूएई । यूएईमा वैदेशिक रोजगारीका क्रममा रहेका फुर्वा तामाङले आत्महत्या गरेका छन् । उनले केही दिनअघि मात्रै कोरोना परीक्षण गरेका थिए । परीक्षणमा रिर्पोट नेगेटिभ आएपछि उनी नियमित काममा फर्किएका थिए ।
तामाङले मंगलबार साँझ कोठामा कोही नभएको मौकामा आत्महत्या गरेका हुन् । उनले के कारणले आत्महत्या गरे भन्ने खुलेको छैन । केही महिनाअघि नेपाल विदामा आएर फर्किएका तामाङले कोरोनाको मनोवैज्ञानिक त्रासका कारण आत्महत्या गरेको आशंका गरिएको छ ।
बाथरुममा पासो लगाएर आत्महत्या गरेको अवस्था उनको शव भेटिएको यूएईमै रहेका उनका आफन्त कुमार तामाङले जानकारी दिए । झापाको मेचीनगर ४ नमूना आमडाँगी घर भएका तामाङ सारजाहस्थित अल्नादाको बालबाक क्यासल मिट सपमा कार्यरत थिए ।
३८ वर्षीय तामाङको शव प्रहरीले पोष्टमार्टमा लागि लगेको छ । लकडाउन खुलेपछि शव लिएर ल्याउन तयारी थालिएको काठमाडौंमा रहेका तामाङका साथी अनिश गुजरेलले जानकारी दिए । तामाङ साढे २ वर्षअघि यूएई पुगेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4